ගාසා තීරයේ සටන් විරාමයක්
ඊශ්‍රායලය සහ හමාස් සංවිධානය ගාසා තීරයේ විනාශකාරී යුද්ධය නවතා දැමීමට එකඟ වූ අතර මැදිහත්කරුවන් බදාදා නිවේදනය කළේ සතුරන් අතර මාරාන්තික හා විනාශකාරී සටන අවසන් කිරීමේ හැකියාව මතු කරමිනි.
සටන් විරාම ගිවිසුම මගින් ගාසා තීරයේ සටන්කාමීන් සහ ඊශ්‍රායලයේ පලස්තීන සිරකරුවන් සිය ගනනක් විසින් ප්‍රාණ ඇපකරුවන් ලෙස රඳවාගෙන සිටින පිරිස් නිදහස් කිරීමට පොරොන්දු වන අතර ගාසා තීරයේ අවතැන් වූ ලක්ෂ සංඛ්‍යාත ජනතාවට ඔවුන්ගේ නිවාසවල ඉතිරිව ඇති දේ වෙත ආපසු යාමට එය ඉඩ සලසයි.
කටාර් අගමැති ෂෙයික් මොහොමඩ් බින් අබ්දුල්රහ්මාන් අල් තානි සමඟ පැවති රැස්වීම්වලින් අනතුරුව ඊශ්‍රායලය සහ හමාස් සංවිධානය අතර ගාසා හී සටන් විරාමයකට සහ ප්‍රාණ ඇපකරුවන් හුවමාරු කිරීමේ ගිවිසුමකට එකඟ වී ඇති බවට ඔහු නිවේදනය කළේය.
මේ පිළිබඳව ඊශ්‍රායල රජයෙන් හෝ හමාස් සංවිධානයෙන් කිසිදු තහවුරු කිරීමක් සිදු නොවූ නමුත් හමාස් නිලධාරියෙක් මීට පෙර කියා සිටියේ කටාර්, ඇමෙරිකා එක්සත් ජනපදය සහ ඊජිප්තු මැදිහත්කරුවන් ඉදිරිපත් කළ සටන් විරාම කෙටුම්පත ඔවුන් අනුමත කර ඇති බවයි.
හමාස් සංවිධානය විසින් පාලනය කරනු ලබන ගාසා තීරයේ පුද්ගලයින් 46,700 කට වැඩි පිරිසක් මිය ගොස් ඇත. එමෙන්ම මිලියන 2.3 ක ජනගහනයෙන් බහුතරයක් ද අවතැන් වී තිබේ. පුළුල් ලෙස විනාශ වී පවතීන එම ප්‍රදේශයේ අවශ්‍යතා සහ ආධාර ලබා ගැනීමේ ගැටලු හේතුවෙන් ආහාර, ඉන්ධන, ඖෂධ සහ නිවාසවල දැඩි හිඟයක් පවතී.
ඊශ්‍රායලය පවසන්නේ ප්‍රාණ ඇපකරුවන්ගෙන් 94 දෙනෙකු තවමත් හමාස් සංවිධානය විසින් රඳවාගෙන සිටින අතර ඔවුන්ගෙන් 34 දෙනෙකු මියගොස් ඇතැයි අනුමාන කරන බවයි. මීට අමතරව යුද්ධයට පෙර පැහැරගෙන ගිය ඊශ්‍රායල ජාතිකයින් හතර දෙනෙකු ද හමාස් යටතේ සිටින අතර ඔවුන්ගෙන් දෙදෙනෙකු මිය ගොස් ඇතැයි පැවසෙයි.
ඊශ්‍රායල අග්‍රාමාත්‍ය බෙන්ජමින් නෙතන්යාහුගේ කාර්යාලය නිවේදනයක් නිකුත් කරමින් කියා සිටියේ අවසාන තොරතුරු තවමත් සකස් වෙමින් පවතින බවත්ය.
