2025 ලෝක රූ රැජින කිරුළ තායිලන්තයට
2025 ලෝක රූ රැජින කිරුළ තායිලන්ත තරගකාරිණිය වන Suchata Chuangsri විසින් දිනාගෙන තිබෙනවා.
මෙවර ලෝක රූ රැජින තරගාවලිය සඳහා තරගකාරිනියන් 108 දෙනෙකු ඉදිරිපත් ව සිටින අතර ඔවුන් මහද්වීප 4කට බෙදා එක් එක් මහද්වීපයෙන් අවසන් වටයට තරගකාරිනියන් 10 දෙනෙකු බැගින් තෝරා ගැණුනා.
මෙහිදී ඉතියෝපියාවේ හසෙට් ඩෙරෙජේ ඇඩ්මාසුට පළමු අනුශූරතාවය හිමිවූ අතර, පෝලන්තයේ මාජා ක්ලජ්ඩා දෙවන අනුශූරතාවය හිමිකර ගැනීමට සමත් වුණා.
2025 ලෝක රූ රැජින සඳහා ශ්‍රී ලංකාව නියෝජනය කරමින් තරගවැදුනු අනුදි ගුණසේකරට අවසන් 40 දෙනා අතරට පිවිසීමට නොහැකිවීම හේතුවෙන් තරගයෙන් ඉවත්වීමට සිදු වුණා.
