ජාත්‍යන්තර අභියෝගවලට මුහුණ දීම සඳහා ගෝලීය පුරවැසියන් ලෙස එකමුතු විය යුතුයි – ජනාධිපති
ධනය තරාතිරම නොබලා ගෝලීය දේශගුණික ගැටලු සෑම කෙනෙකුගේම දොරට තට්ටු කරමින් පවතින බව ප්‍රකාශ කළ ජනාධිපති අනුර කුමාර දිසානායක මහතා ජාත්‍යන්තර අභියෝගවලට මුහුණ දීම සඳහා ගෝලීය පුරවැසියන් එකමුතු වීමේ අවශ්‍යතාව අවධාරණය කළේය.
අද (12) එක්සත් අරාබි එමීර් රාජ්‍යයේ පැවති 2025 ලෝක ආණ්ඩු සමුළුව අමතමින් ඔහු මෙම අදහස් පළ කළ බව ජනාධිපති මාධ්‍ය අංශය (PMD) නිවේදනයක් නිකුත් කරමින් කියා සිටියේය.
සිය කතාව අතරතුර, ජනාධිපති දිසානායක ආර්ථික වර්ධනය, නවෝත්පාදන සහ පාලන ප්‍රතිසංස්කරණ සඳහා ශ්‍රී ලංකාවේ දැක්ම ගෙනහැර දැක්වීය. තිරසාර සංවර්ධනය සහ ජාත්‍යන්තර සහයෝගීතාව සඳහා රටේ කැපවීම ඔහු යළිත් අවධාරණය කළේය.
ප්‍රධාන ගෝලීය අවශ්‍යතා සඳහා අනාගත උපාය මාර්ග සැකසීමේදී සමුළුවේ කාර්යභාරය ඉස්මතු කළ ජනාධිපතිතුමා, ගෝලීය අභියෝගවලට මුහුණ දීමේදී සාමූහික ගෝලීය ප්‍රතිචාරයක සහ ඒකාබද්ධ පෙරමුණක අවශ්‍යතාව අවධාරණය කළ බව එම නිවේදනයේ වැඩිදුරටත් සඳහන් වේ.
ව්‍යුහගත රාජ්‍යයක් සහ වඩාත් වගකිවයුතු ලෝකයක් ගොඩනැගීමේදී සමාජ සාධාරණත්වය සහ නීතියේ ආධිපත්‍යයේ වැදගත්කම ද ඔහු අවධාරනය කළේය. ගිවිසුම් සහ නෛතික රාමු ඵලදායී ලෙස ක්‍රියාවට නැංවීම, අඩු ආදායම්ලාභී සහ අවදානමට ලක්විය හැකි ප්‍රජාවන් සඳහා ක්‍රමානුකූල සහය ලබා දීම සහ නිලධාරීන් අතර වගවීම සහතික කිරීමේ අවශ්‍යතාවය ඔහු අවධාරණය කළේය. මේ සම්බන්ධයෙන් ඔහු නිදහස් පුවත්පත් සහ සමාජ ක්‍රියාකාරීන්ගේ තීරණාත්මක කාර්යභාරය ඉස්මතු කළේය.
දැඩි මූල්‍ය තත්ත්වයන්, විශාල ණය ආපසු ගෙවීමේ අවදානම සහ පුලුල්ව පැතිරී ඇති ස්වෛරී නය අර්බුදයකට නිසිලෙස සූදානම් නොවූ බිඳෙනසුලු ජාත්‍යන්තර මූල්‍ය පද්ධතියක් හේතුවෙන් ගෝලීය මූල්‍ය ක්ෂේත්‍රය වඩ වඩාත් අවිනිශ්චිත වෙමින් පවතින බව දිසානායක මහතා පෙන්වා දුන්නේය. නවීන ලෝකය සඳහා සාධාරණ ආර්ථික පරිසරයක් නිර්මාණය කළ හැකි මූල්‍ය ප්‍රතිසංස්කරණවල වැදගත්කම ඔහු අවධාරණය කළ බව පීඑම්ඩී වැඩිදුරටත් සඳහන් කළේය.
ඩිජිටල් ප්‍රවේශ අයිතිවාසිකම් සහ පාරිසරික අයිතීන් ඇතුළත් මානව හිමිකම් 1948 ප්‍රඥප්තිය යාවත්කාලීන වූ විශ්ව ප්‍රකාශයක අවශ්‍යතාව ජනාධිපතිතුමා අවධාරණය කළේය.
මානව කේන්ද්‍රීය අනාගත සංවර්ධනය ගැන කතා කළ ජනාධිපති දිසානායක, ලොව පුරා ශක්තිමත් සයිබර් ආරක්ෂණ ක්‍රියාමාර්ගවල තීරනාත්මක අවශ්‍යතාවය අවධාරණය කළේය. ස්වයංක්‍රීයකරණය සහ රොබෝ තාක්ෂණයෙන් එල්ල වන අභියෝග, විශේෂයෙන් රැකියා විස්ථාපනයේ අවදානම ද ඔහු පෙන්වා දුන්නේය. මෙය විසඳීම සඳහා අධ්‍යාපනය, නිපුණතා සංවර්ධනය සහ නව රැකියා අවස්ථා හඳුනා ගැනීම කෙරෙහි අවධානය යොමු කරන ව්‍යුහාත්මක මුලපිරීම් සඳහා ඔහු ඉල්ලා සිටියේය. මේ සම්බන්ධයෙන් සාමූහිකව කටයුතු කරන ලෙස ඔහු ගෝලීය නායකයින්ගෙන් ඉල්ලා සිටියේය.
අප සියලු දෙනාම මුහුණ දෙන අභියෝගවලට මුහුණ දෙන “ලබ්-ඩබ්” හදවත් රිද්මයට සේම එක්ව ලෝකය යළි ගොඩනඟන්නැයි ඉල්ලා සිටින බව ජනාධිපති අනුර දිසානායක මහතා ප්‍රකාශ කළේය.
“අපි සහෝදරයන් ලෙස එකට ජීවත් වීමට ඉගෙන ගත යුතුයි” යන මාර්ටින් ලූතර් කිං ප්‍රකාශය උපුටා දක්වමින් දිසානායක ජනාධිපතිවරයා වඩා හොඳ ලෝකයක් ගොඩනැගීමේ සාමූහික වගකීම අවධාරණය කළේය. 2024 දී ශ්‍රී ලංකාවේ ජනතාව “ලස්සන ජීවිතයක් සහ සමෘද්ධිමත් ජාතියක්” ගොඩනැගීම සඳහා එක්සත් වූ බව ඔහු සඳහන් කළේය.
මෙම ඓතිහාසික සමුළුවේදී සිය ප්‍රකාශයන්හි දී ජනාධිපති දිසානායක මහතා ලෝක නායකයින් සහ නියෝජිතයින් වෙත හෘදයාංගම ආයාචනයක් කරමින් ප්‍රකාශ කළේ, “අපි එකතු වී ලෝකය යළි ගොඩනගමු” යනුවෙනි.
