මහ බැංකු අධිපතිවරයාගේ රුව අනිසි ලෙස භාවිතා කරමින් සකසා ඇති වංචනික AI වීඩියෝ පිළිබඳව දැනුවත් කරයි
ශ්‍රී ලංකා මහ බැංකුව විශේෂයෙන් ෆේස්බුක් වැනි සමාජ මාධ්‍යවල සංසරණය වන වංචනික AI-generated වීඩියෝවන් පිළිබඳව මහජනතාවට දැඩි ලෙස අනතුරු අඟවා ඇත. මෙම වීඩියෝව මගින් ශ්‍රී ලංකා මහ බැංකු අධිපතිවරයාගේ රූපය අනිසි ලෙස භාවිතා කරමින් ඔහු අසාමාන්‍ය මූල්‍ය ප්‍රතිලාභ පොරොන්දු කරන ආයෝජන යෝජනා ක්‍රම අනුමත කරන ලෙස විකෘත කරමින් සකසා ඇත.
ශ්‍රී ලංකා මධ්‍යම බැංකුව පවසන්නේ, “මෙම ව්‍යාජ වීඩියෝවන් මඟින් ශ්‍රී ලංකා මහ බැංකු අධිපතිවරයා අති විශාල මූල්‍ය ප්‍රතිලාභ ලබා දෙන ආයෝජන ක්‍රම අනුමත කරන බව ව්‍යාජ ලෙස පෙන්වා දක්වා ඇත. ශ්‍රී ලංකා මහ බැංකුව එවැනි ආයෝජන ක්‍රම කිසිදා අනුමත නොකිරීම සහ එවැනි ක්‍රමවලට කිසිදු සම්බන්ධයක් නොමැති බව ප්‍රකාශ කරයි. මෙම වීඩියෝව ව්‍යාජ තාක්‍ෂණය සහ AI-generated අන්තර්ගතයන් භාවිතා කරමින්, වංචනික පාර්ශවයන් විසින් ජනතාව නොමඟ යැවීමට කරන ලද පැහැදිලි උත්සාහයන් බවයි ශ්‍රී ලංකා මධ්‍යම බැංකුව කියා සිටීයේ.
