එංගලන්ත ක්‍රිකට් කණ්ඩායමෙන් ක්‍රිකට් වාර්තාවක්
බටහිර ඉන්දීය කොදෙව් කණ්ඩායමට එරෙහිව මේ වන විට පැවැත්වෙන පළමු එක්දින තරගයේදී වාර්තාවක් පිහිටුවීමට සත්කාරක එංගලන්ත කණ්ඩායම සමත් වුණා.
ඒ අනුව තරගයේ කාසියේ වාසිය දිනාගත් බටහිර ඉන්දීය කොදෙව් කණ්ඩායම පළමුවෙන් පන්දුවට පහරදීමට එංගලන්ත කණ්ඩායමට ආරාධනා කළ අතර ඔවුන් සිය පන්දුවාර 50 තුළ කඩුලු 8 ක් දැවී ලකුණු 400 ක් ලබාගත්තා.
එම ලකුණු 400 වාර්තා අතරට එක් වුණේ කණ්ඩායමේ කිසිඳු ක්‍රීඩකයෙක් ශතකයක් වාර්තා කිරීමකින් තොරව කණ්ඩායමක් එක්දින තරගයකදී ලබාගත් වැඩිම ලකුණු සංඛ්‍යාව ලෙසටයි.
මීට පෙර එම වාර්තාව පිහිටුවා තිබුණේ දකුණු අප්‍රිකාව වන අතර එහිදී 2007 වසරේ පාකිස්ථානයට එරෙහිව දකුණු අප්‍රිකාව ලකුණු 392 ක් රැස් කර තිබුණා.
