ඊශ්‍රායල ප්‍රහාරයෙන් බටහිර ඉවුරේ ළමුන් දෙදෙනෙකු ඇතුළු තිදෙනෙක් මිය යයි
බටහිර ඉවුරේ ඊශ්‍රායල ඩ්‍රෝන් ප්‍රහාරයකින් මියගිය පලස්තීන ජාතිකයන් තිදෙනා අතර ළමුන් දෙදෙනෙකු ද සිටින බව පලස්තීන මාධ්‍ය වාර්තා කළේය.
ඊශ්‍රායල හමුදාව ප්‍රකාශ කළේ ටමුන් නගරය ආසන්නයේ පිහිටි “ත්‍රස්ත ස්ථානයකට ” ප්‍රහාරයක් එල්ල වූ බව පමණි. හමුදා ප්‍රකාශකයෙකු වෙනම කියා සිටියේ මියගිය ළමුන් පිළිබඳ වාර්තා විමර්ශනය කරන බවයි.
පලස්තීන ප්‍රවෘත්ති ඒජන්සිය වන WAFA වාර්තා කළේ මියගිය අය අවුරුදු 9 සහ 10 යන වයස්වල ළමුන් මෙන්ම 23 හැවිරිදි තරුණයෙකු බවයි.
රාමල්ලාහි පලස්තීන විදේශ කටයුතු අමාත්‍යාංශය ඊශ්‍රායලයට චෝදනා කළේ “දරුණු අපරාධයක්” සිදු කළ බවයි.
වසරකට වැඩි කාලයකට පෙර ඊශ්‍රායලයේ හමාස් සංහාරයෙන් සහ ඉන් පසුව ඇති වූ ගාසා යුද්ධයෙන් පසු බටහිර ඉවුරේ දැනටමත් නොසන්සුන්කාරී තත්ත්වය සැලකිය යුතු ලෙස නරක අතට හැරී ඇත.
