‘වෙලේ සුදා’ට වසර අටක බරපතළ සිර දඬුවමක්
ගම්පොල විදානගේ සමන්ත කුමාර හෙවත් වෙලේ සුදාට ඔහුගේ බිරිඳට සහ තවත් කාන්තාවකට කොළඹ මහාධිකරණය වසර අට බැගින් බරපතළ වැඩ සහිත සිරදඬුවම් නියම කළේය.
මුදල් විශුද්ධිකරණය වැලැක්වීමේ පනත යටතේ හෙරොයින් ජාවාරම හරහා දේපළ රැස්කිරීම සම්බන්ධයෙන් ඔවුන් වරදකරුවන් විය.
දීර්ඝ නඩු විභාගයකින් අනතුරුව කොළඹ මහාධිකරණ විනිසුරු ආදිත්‍ය පටබැඳිගේ අද (ජනවාරි 15) තීන්දුව ප්‍රකාශයට පත් කළේය.
සිර දඬුවමට අමතරව විත්තිකරුවන්ට දඩ නියම කළ අතර ඔවුන් නීති විරෝධී ලෙස උපයාගත් දේපළ, මුදල් සහ රත්‍රන් රාජසන්තක කිරීමට අධිකරණය නියෝග කළේය.
වෙලේ සුදා, ඔහුගේ බිරිඳ වන ගයනි ප්‍රියදර්ශනී සහ ඔහුගේ ඥාති සොහොයුරිය වන වසන්ති වසුන්දර යන අයට එරෙහිව නීතිපතිවරයා විසින් අධිචෝදනා ගොනුකර තිබුණේ රුපියල් කෝටියකට ආසන්න මුදලක් උපයාගෙන මුදල් විශුද්ධිකරණය වැළැක්වීමේ පනත යටතේ දඬුවම් ලැබිය හැකි වරදක් බවට චෝදනා කරමින්. හෙරොයින් මත්ද්‍රව්‍ය ජාවාරමේ ආදායමෙන් කොළඹ සහ තදාසන්න ප්‍රදේශවල රුපියල් මිලියන 150ක් වටිනා ඉඩම් සහ නිවාස.
2008 වසරේ ගල්කිස්ස ප්‍රදේශයේදී හෙරොයින් ග්‍රෑම් 7.05ක් සන්තකයේ තබා ගැනීමේ චෝදනාවට වරදකරු වූ සමන්ත කුමාරට වෙනම නඩුවකදී මරණ දඬුවම නියම වී තිබේ.
